ການລິເລີ່ມການຝຶກອົບຮົມໂຮງຮຽນຊາວນາສໍາລັບອຸຕຸ-ກະເສດ ຢູ່ເມືອງຈໍາພອນ
![](fileadmin/user_upload/samis/imgs/1_WhatsApp Image 2019-05-24 at 9.43.10 AM - Copy.jpeg)
ໃນວັນສຸກທີ 24 ພຶດສະພາ ຂະແໜງຄຸ້ມຄອງທີ່ດິນກະສິກໍາ ແຂວງສະຫວັນນະເຂດ ໂດຍການຮ່ວມມືກັບຫ້ອງການກະສິກໍາ ແລະ ປ່າໄມ້ ເມືອງຈໍາພອນ ໄດ້ເລີ່ມບົດຮຽນທໍາອິດ ເພື່ອນໍາສະເຫນີໂຮງຮຽນຊາວນາກ່ຽວກັບອຸຕຸ-ກະເສດ ຢູ່ທີ່ບ້ານກະດານ.ຄູຝຶກໄດ້ຮັບການສ້າງຄວາມອາດສາມາດໃນເດືອນເມສາທີ່ຜ່ານມາ ໂດຍຊ່ຽວຊານຈາກອິນໂດເນເຊຍ ແລະ ເນປານ (http://www.fao.org/in-action/samis/resources/news/detail/en/c/1193301/).
ຊາວນາໄດ້ເຕົ້າໂຮມກັນຢູ່ທີ່ໂຮງຮຽນຂອງບ້ານ ແລະ ນໍາສະເຫນີຫຼັກສູດໂຮງຮຽນຊາວນາ. ຫຼັກສູດການຝຶກອົບຮົມໂຮງຮຽນຊາວນາໄດ້ຖືກກະກຽມ ໂດຍພະແນກຄຸ້ມຄອງທີ່ດິນກະສິກໍາ ໃນການຮ່ວມມືກັບຊ່ຽວຊານຂອງ FAO. ນອກຈາກນັ້ນ, ຊຸມຊົນທ້ອງຖິ່ນ ໄດ້ຖືກຝຶກກ່ຽວກັບການນໍາໃຊ້ຜະລິດຕະພັນການພະຍາກອນລະດູການ ໂດຍລະບົບທີ່ເອີ້ນວ່າ ການບໍລິການພູມອາກາດສໍາລັບກະສິກໍາຢູ່ລາວ (LaCSA) (http://www.fao.org/in-action/samis/resources/news/detail/en/c/1194669/).
ກິດຈະກໍາດັ່ງກ່າວໄດ້ຈັດຂຶ້ນ ໂດຍການຮ່ວມມື ແລະ ຢູ່ໃນບ້ານເປົ້າໝາຍດຽວກັນກັບໂຄງການປັບຕົວເຂົ້າກັບການປ່ຽນແປງດິນຟ້າອາກາດ ຢູ່ເຂດລໍາຊາ (CAWA) (www.fao.org/in-action/cawa/en).