ກອງປະຊຸມສະພາບພູມອາກາດໃນລະດັບພາກພື້ນ
ພະແນກພູມອາກາດ ແລະ ອຸຕຸກະເສດ, ກົມອຸຕຸນິຍົມ ແລະ ອຸທົກກະສາດ (ກອຕທ), ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ (ກສຊ) ແລະ ພະແນກຄຸ້ມຄອງທີ່ດິນກະສິກໍາ (ຄພດກ), ກະຊວງກະສິກໍາ ແລະ ປ່າໄມ້ (ກປມ) ໄດ້ເດີນທາງໄປທີ່ກຸງເທບ ເພື່ອເຂົ້າຮ່ວມສັບປະດາການປ່ຽນແປງສະພາບພູມອາກາດ, ກິດຈະກໍາລະດັບອາຊີໃນຄັ້ງນີ້ ໄດ້ຈັດຂຶ້ນໂດຍອົງການອາຫານ ແລະ ການກະເສດ ໃນວັນທີ່ 15-18 ກໍລະກົດ,ຊື່ງເປັນປະທານໂດຍທ່ານ. ນາງ ຮັ່ງ ທິ ທັນ ພຳ ຈາກອົງການອາຫານ ແລະ ການກະເສດ ແຫ່ງສະຫະປະຊາຊາດປະຈຳພາກພື້ນເອເຊຍ ປາຊີຟິກ ແລະ ມີຜູ້ເຂົ້າຮ່ວມຈາກຫຼາຍປະເທດ ເຊັນວ່າ ອັຟການິສຖານ, ບັງກະລາເທດ, ບູຕານ, ກໍາປູເຈຍ, ອິນໂດເນເຊຍ, ອີລານ, ສປປ ລາວ, ຟີລິປີນ, ເນປານ, ປາກິສຖານ, ປາປົວນິວກີນີ, ຊາມົວ, ໄທ ແລະ ຫວຽດນາມ. ກິດຈະກໍານີ້ໄດ້ຮັບການປະຕິບັດໂດຍການຮ່ວມມືກັບໂຄງການສ້າງຄວາມເຂັ້ມແຂງໃຫ້ແກ່ລະບົບຂໍ້ມູນຂ່າວສານ ແລະ ການຕິດຕາມສະພາບອຸຕຸກະເສດ (SAMIS) ຂອງອົງການອາຫານ ແລະ ການກະເສດ ແຫ່ງສະຫະປະຊາຊາດ ໃນ ສປປ ລາວ. ຂໍ້ມູນກ່ຽວກັບໂຄງການ SAMISແມ່ນມີຢູ່ http://www.fao.org/in-action/samis/en/. ກິດຈະກໍານີ້ຍັງມີຄວາມສໍາຄັນທີ່ຈະເພີ່ມທະວີຄວາມສາມາດຂອງພະນັກງານລັດ ທີ່ຈະໄດ້ພົບກັບວິທີການໃໝ່ທີ່ສໍາຄັນຫຼາຍຢ່າງໃນອາຊີ ແລະ ທັງເປັນການເຊື່ອມຕໍ່ກັບຜູ້ຊ່ຽວຊານລັດຖະບານຂອງບັນດາປະເທດໃກ້ຄຽງ.
ອາທິດນີ້ແມ່ນປະກອບດ້ວຍເຫດການຄັ້ງທໍາອິດກ່ຽວກັບການເສີມຂະຫຍາຍການບໍລິການດ້ານອຸຕຸ-ກະເສດ ເພື່ອການຈັດການຄວາມສ່ຽງຂອງພະຍາດ ແລະ ສັດຕູພືດ. ກອຕທ ໄດ້ນໍາສະເຫນີກ່ຽວກັບລະບົບອອນລາຍນ໌ໃໝ່ ແລະ ໂປຣແກຣມໂທລະສັບມືຖື ການບໍລິການອາກາດສໍາລັບການກະສິກໍາລາວ (LaCSA). ລະບົບ LaCSA ແມ່ນຜົນສໍາເລັດຂອງໂຄງການ SAMIS. ນອກຈາກນັ້ນ, ມັນເປັນສິ່ງທ້າທາຍໃຫມ່ ສໍາລັບ ສປປ ລາວ ເປັນລະບົບຫນຶ່ງທີ່ມີລະບົບໃຫມ່ທີ່ສຸດໃນອາຊີ. ລະບົບ LaCSA ແມ່ນສະຫນອງການຄາດຄະເນຕາມລະດູຝົນ ແລະ ອຸນຫະພູມ ຕາມລະດູການ ເຊັ່ນ ປະຕິທິນລະດູການປູກພືດໃຫ້ຊາວກະສິກອນໃນເວລາທີ່ໃກ້ຄຽງທີ່ສຸດ (ມີລາຍງານປະຈໍາເດືອນ ແລະ ອາທິດ) ເຊິ່ງຈະມີອິດທິພົນຕໍ່ການຕັດສິນໃຈໃນການຜະລິດກະສິກໍາຕາມລະດູການເຊັ່ນ: ການຄັດເລືອກພືດທີ່ເຫມາະໃນການ ສໍາລັບການປູກໃນສະພາບທີ່ມີຄວາມຫຍຸ້ງຍາກຂອງການປ່ຽນແປງຂອງສະພາບອາກາດ. ນີ້ຈະສາມາດຮັບປະກັນການຜະລິດທີ່ມີຄວາມຫມັ້ນຄົງ ແລະ ຍືນຍົງ, ຜະລິດຕະພັນທີ່ສູງຂຶ້ນ, ປັບປຸງການຄໍ້າປະກັນສະບຽງອາຫານ, ຫຼຸດຜ່ອນຄວາມສ່ຽງຕໍ່ພະຍາດ ແລະ ສັດຕູພືດໃນສປປລາວ. ນອກຈາກນັ້ນ, ຜູ້ຕາງຫນ້າຈາກ ກປມ ຈະສະເຫນີກິດຈະກໍາລະດັບພາກສະຫນາມທີ່ຊ່ວຍໃຫ້ຊາວກະສິກອນເຂົ້າເຖິງຂໍ້ມູນ. ຂໍ້ມູນກ່ຽວກັບ LaCSA ແມ່ນມີຢູ່ໃນຫນ້າເວັບ https://www.facebook.com/samisdmh.
ພາກສ່ວນທີສອງຂອງອາທິດຈະມີຄວາມກ່ຽວຂ້ອງກັບການປະເມີນຂັ້ນສູງ ແລະ ເຕັກໂນໂລຢີການວາງແຜນ ສໍາລັບການປັບປຸງ ແລະ ການຫຼຸດຜ່ອນການກະສິກໍາແບບຫັນປ່ຽນ. ໃນກອງປະຊຸມນີ້, ຄພດກ ຈະນໍາສະເຫນີກິດຈະກໍາຕ່າງໆທີ່ຈະມາເຖິງ. ໃນຕົວຈິງ, ລະບົບການຄຸ້ມຄອງຂໍ້ມູນຂ່າວສານທີ່ດິນ (LRIMS) ຈະນໍາສະເຫນີແຜນທີ່ໃນປະຈຸບັນ ແລະ ໃນອະນາຄົດຂອງພືດຕົ້ນຕໍເຊັ່ນ: ເຂົ້າ, ສາລີ, ໄມ້ໃຫ້ຫມາກ, ມັນຕົ້ນ ແລະ ອື່ນໆ. ໂຄງການຈະຄິດໄລ່ການກະຈາຍພືດໃນ 25, 50 ແລະ 100 ປີ. ດັ່ງນັ້ນ ກປມ ຈະສາມາດວາງແຜນການນໍາໃຊ້ທີ່ດິນທີ່ດີກ່ວາ ໂດຍອີງໃສ່ການປ່ຽນແປງດິນຟ້າອາກາດໃນປະຈຸບັນ ແລະ ໃນອະນາຄົດ.