ການຝຶກອົບຮົມລະບົບຂໍ້ມູນທາງພູມສາດຂັ້ນສູງກ່ຽວກັບ ການສ້າງແບບຈຳລອງພື້ນທີການເພາະປູກ
ກົມຄຸ້ມຄອງທີ່ດິນກະສິກຳ, ກະຊວງກະສິກຳ ແລະ ປ່າໄມ້ (ກປມ) ໄດ້ເປັນເຈົ້າພາບໃນການຝຶກອົບຮົມກ່ຽວກັບລະບົບຂໍ້ມູນທາງພູມສາດຂັ້ນສູງ, ຊື່ງຊ່ວຍໃນການຕິດຕາມກວດກາ ແລະ ປະເມີນລະບົບທີດິນກະສິກຳໃນປະເທດ.
ສະຖາບັນເທັກໂນໂລຊີອາຊຽນ ແລະ ໂຄງການຂອງອົງການອາຫານ ແລະ ການກະເສດແຫ່ງ ສະຫະປະຊາຊາດ (FAO) ປະຈຳ ສປປ ລາວ ກໍ່ຄື ໂຄງການ “ສ້າງຄວາມເຂັ້ມແຂງ ໃຫ້ແກ່ລະບົບຂໍ້ມູນຂ່າວສານ ແລະ ການຕິດຕາມສະພາບອຸຕຸກະເສດ ເພື່ອຊ່ວຍໃນການປັບຕົວເຂົ້າກັບການປ່ຽນ ແປງດິນຟ້າອາກາດ ແລະ ການຄໍ້າປະກັນສະບຽງອາຫານ ຢູ່ ສປປ ລາວ (SAMIS)” ໄດ້ຮ່ວມມືກັນເພື່ອປັບປຸງການປັບໂຕຕໍ່ກັບການປ່ຽນແປງສະພາບພູມອາກາດ ແລະ ຄວາມໜັ້ນຄົງທາງດ້ານສະບ່ຽງອາຫານໃນ ສປປ ລາວ. ຊື່ງ ໄດ້ຮັບທຶນສະໜັບສະໜູນສຳລັບການຈັດຝຶກອົບຮົມໃນຄັ້ງນີ້ ຈາກອົງການອຳນວຍຄວາມສະດວກດ້ານສິ່ງແວດລ້ອມໂລກ (GEF). ໃຫ້ກຽດເປັນປະທານໃນການເປີດການຝຶກອົບຮົມຄັ້ງນີ້ແມ່ນ ທ່ານ. ຄຳພອນ ລາຊາຈັກ ຫົວ ໜ້າກົມຄຸ້ມຄອງທີ່ດິນກະສິກຳ ແລະ ທ່ານ. ນາຊາ ຣາຢັທ໌ ຜູ້ຕ່າງໜ້າຂອງ ອົງການອາຫານ ແລະ ການກະເສດແຫ່ງ ສະຫະປະຊາຊາດ (FAO) ປະຈຳ ສປປ ລາວ
ການຝຶກອົບຮົມໃນຄັ້ງນີ້ແມ່ນກ່ຽວຂ້ອງກັບການຕິດຕາມກວດກາ ແລະ ປະເມີນຮູບແບບການປູກຝັງໃນລະດັບທ້ອງຖີ່ນໂດຍຜ່ານລະບົບຂໍ້ມູນຂ່າວສານທາງໄກ. ໃນຫລາຍປີຜ່ານມາ, ກົມຄຸ້ມຄອງທີ່ດິນກະສິກຳເຄືຍຮັບຜິດຊອບວຽກງານການສ້າງແຜນທີດິນປູກຝັງ ແລະ ແຜນທີຄວາມເໝາະສົມຂອງທີ່ດິນຂອງ ສ ປປ ລາວ ໃນແຕ່ລະປີ. ການຝຶກອົບຮົມໃນປັດຈຸບັນຈະຊ່ວຍໃຫ້ຊ່ຽວຊານຂອງກົມຄຸ້ມຄອງທີ່ດິນກະສິກຳສາມາດສ້າງແຜນທີ ເນື້ອທີດິນກະສິກຳ ແລະ ຄວາມທົນທານຂອງພືດ ໂດຍການນຳໃຊ້ທັງຂໍ້ມູນດາວທຽມແບບການເບີ່ງເຫັນ (optical) ແລະ ໄມໂຄເວຟ (microwave). ພ້ອມທັງ ການສ້າງແບບຈຳລອງການຜະລິດພືດໃນແຕ່ລະຊ່ວງໄລຍະ.
ໂດຍທົ່ວໄປແລ້ວ, ກົມຄຸ້ມຄອງທີ່ດິນກະສິກຳຈັດການຝຶກອົບຮົມໃນຄັ້ງນີ້ ເພື່ອພິຈາລະນາກ່ຽວກັບການພັດທະນາລະບົບຂໍ້ມູນຂ່າວສານການຄຸ້ມຄອງຊັບພະຍາກອນດິນ ແລະ ລະບົບຖານຂໍ້ມູນພາກພື້ນດິນທີ່ຈະເປີດໃຊ້ງານຢູ່ເທີງເວັບໄຊ. ຊື່ງມີຈຸດປະສົງໃນການເກັບລວມລວມຂໍ້ມູນທີ່ກ່ຽວຂ້ອງກັບການປ່ຽນແປງສະພາບພູມອາກາດ, ຊັບພະຍາກອນທຳມະຊາດ ແລະ ກະສິກຳ ໃຫ້ໄດ້ຫລາຍທີ່ສຸດ ເພື່ອກຳນົດສະພາບການທາງດ້ານກະສິກຳໃນອານາຄົດ. ເຄື່ອງມືນີ້ຈະຊ່ວຍໃນການອອກແບບທາງເລືອກດ້ານນະໂຍບາຍ ແລະ ການວາງແຜນຄຸ້ມຄອງທີ່ດິນ ໃນສະພາບການທີ່ມີການປ່ຽນແປງຂອງດິນຟ້າອາກາດ.
ທ່ານສາມາດຄົ້ນຫາຂໍ້ມູນກ່ຽວກັບກິດຈະກຳນີ້ໄດ້ຢູ່ເວັບເພຈ໌ http://www.fao.org/in-action/samis/en/