ພະນັກງານສະຖານີອາກາດ ໄດ້ຮັບການຝຶກອົບຮົມເພື່ອເກັບກຳຂໍ້ມູນດ້ານອຸຕຸ-ກະເສດ
ການຝຶກອົບຮົມແມ່ນໄດ້ເອົາໃຈໃສ່ຕໍ່ກັບສະພາບຂອງໂຄວິດ COVID
ເຖິງແມ່ນວ່າໃນຊ່ວງເວລາຂອງການກັກຕົວ, ພະນັກງານລັດຖະບານຂອງລາວທີ່ເຮັດວຽກພາຍໃຕ້ໂຄງການຂອງອົງການອາຫານ ແລະ ການກະເສດ (FAO) “ ໂຄງການສ້າງຄວາມເຂັ້ມແຂງໃຫ້ແກ່ລະບົບຂໍ້ມູນຂ່າວສານ ແລະ ການຕິດຕາມສະພາບອຸຕຸກະເສດ (SAMIS)” ໄດ້ສືບຕໍ່ການກາ້ວໄປສູ່ການເປັນຜູ້ທີ່ມີຄວາມຊໍານານ ໃນຂົງເຂດພູມອາກາດ-ກະເສດ ແລະ ອຸຕຸ-ກະເສດ. ພະນັກງານຂອງກົມອຸຕຸນິຍົມ ແລະ ອຸທົກກະສາດ (ກອຕທ) ໄດ້ຈັດການຝຶກອົບຮົມໃຫ້ພະນັກງານສະຖານີ ເພື່ອສອນພວກເຂົາກ່ຽວກັບລະບົບ LaCSA. ລະບົບທົດລອງ LaCSA ສາມາດໃຊ້ໄດ້ທີ່: http://147.46.250.219:8081/ ດ້ວຍອິນເຕີເຟດຜູ້ໃຊ້ແບບໃໝ່ ທີ່ສາມາດເບິ່ງເຫັນໄດ້ໃນໂທລະສັບທັນສະໄຫມໄດ້ງ່າຍ.
ການຝຶກອົບຮົມທີ່ຈັດຂື້ນໃນມື້ນີ້ ໄດ້ມີການເຂົ້າຮ່ວມຂອງພະນັກງານກະຊວງຊັບພະຍາກອນທຳມະຊາດ ແລະສິ່ງແວດລ້ອມ ຈາກ 4 ແຂວງ, ເພື່ອປະຕິບັດຕາມກົດລະບຽບທີ່ຫ່າງໄກ ແລະ ຫລີກລ້ຽງການປະຊຸມໃຫຍ່. ການຝຶກອົບຮົມປະກອບມີແຂວງອັດຕະປື, ເຊກອງ, ສະຫວັນນະເຂດ ແລະ ຄຳມ່ວນ. ເຖິງຢ່າງໃດກໍ່ຕາມ, ທຸກໆແຂວງແມ່ນໄດ້ຮັບການຝຶກອົບຮົມໃນໄລຍະ 5 ເດືອນຜ່ານມາ, ເຊິ່ງລວມທັງມີ 22 ສະຖານີ.
ລະບົບ LaCSA ຈະສະຫນອງການຄາດຄະເນປະລິມານນໍ້າຝົນ ແລະ ອຸນຫະພູມ ພ້ອມທັງປະຕິທິນການປູກພືດ ແລະ ສັດຕູພືດ ແລະ ພະຍາດພືດໃຫ້ແກ່ຊາວກະສິກອນ ໃນສິ່ງທີ່ໃກ້ຄຽງກັບຕົວຈິງ (ໜຶ່ງຄັ້ງຕໍ່ອາທິດ) ໃນລະດູການປູກພືດ. ຫລັງຈາກຮຽນຮູ້ LaCSA, ພະນັກງານວິຊາການລະດັບທ້ອງຖິ່ນຈະໄດ້ຮຽນຮູ້ກ່ຽວກັບ ອຸຕຸກະເສດ ແລະ ກ່ຽວກັບການສ້າງແບບຈຳລອງສັດຕູພືດ ແລະພະຍາດພືດ ທີ່ນຳໃຊ້ໃນລະບົບອຸຕຸກະເສດ. ສຸດທ້າຍນີ້, ວິທະຍຸກະຈາຍສຽງແຫ່ງຊາດລາວພາກສະເໜີການອ່ານຂ່າວຜ່ານໂທລະໂຄ່ງໃນບ້ານຕ່າງໆ.
ການເກັບກໍາຂໍ້ມູນໃໝ່ສໍາລັບອຸຕຸກະເສດ
ຈຸດປະສົງຕົ້ນຕໍຂອງການຝຶກອົບຮົມແມ່ນ ເພື່ອຮຽນຮູ້ວິທີການເກັບກຳຂໍ້ມູນດ້ານອຸຕຸກະເສດ ເພື່ອນຳໃຊ້ເຂົ້າໃນການສ້າງແບບຈຳລອງໃນ LaCSA. ໃນນັ້ນລວມມີການເກັບກຳຂໍ້ມູນ ສຳລັບສາມພືດ: ເຂົ້າ, ສາລີ ແລະ ມັນຕົ້ນ. ພະນັກງານໃນສະຖານີອຸຕຸຕ້ອງໄດ້ເກັບກຳຂໍ້ມູນກ່ຽວກັບວັນເລີ່ມຕົ້ນ ແລະ ວັນສິ້ນສຸດຂອງວົງຈອນການປູກພືດ (ວັນເລີ່ມຕົ້ນປູກ ແລະ ວັນເກັບກ່ຽວ) ແລະ ຖ້າມີສັດຕູພືດ ແລະ ພະຍາດພືດ. ເພື່ອໃຫ້ສຳເລັດການເກັບກຳຂໍ້ມູນ, ພະນັກງານໄດ້ຮັບການສະໜອງຄອມພິວເຕີ້ ແລະ ອິນເຕີເນັດ, ແລະ ຕໍ່ໄປກໍ່ຈະໄດ້ຮັບແທັບເລັດ. ສິ່ງເຫຼົ່ານີ້ແມ່ນໃຊ້ເພື່ອເກັບກຳຂໍ້ມູນຢູ່ຖານຂໍ້ມູນພາກສະໜາມ, ໂດຍໃຊ້ລະຫັດບາໂຄດເຊິ່ງຈະກຳນົດສະຖານທີ່ ແລະ ຂໍ້ມູນທີ່ແນ່ນອນກ່ຽວກັບແຕ່ລະພາກສະ ຫນາມ. ຕົວຢ່າງຂອງລະຫັດບາໂຄດສຳລັບອັດຕະປືຖືກນຳສະເໜີ ການທົດລອງດັ່ງກ່າວແມ່ນເພື່ອປະເມີນພື້ນທີ່ຂອງຊາວກະສິກອນທັງໝົດປະມານ 220 ແຫ່ງ ໃນບໍລິເວນໃກ້ໆກັບສະຖານີອາກາດ ເຊິ່ງຈະຖືກປະເມີນໃນປີນີ້. ໃນກໍລະນີນີ້, ສປປ ລາວ ກຳລັງເປັນນຳພາການທົດລອງທີ່ມີຄຸນຄ່າທາງທຳມະຊາດ ທີ່ຈະບຸກເບີກການເກັບກຳຂໍ້ມູນໃນອາຊີຕາເວັນອອກສຽງໃຕ້ອີກຄັ້ງໜຶ່ງ.
ພາລະບົດບາດຂອງພະແນກ ແລະ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ຕໍ່ກັບວຽກງານອຸຕຸກະເສດ
ການຝຶກອົບຮົມຄັ້ງນີ້ຮັບປະກັນການດຳເນີນກິດຈະກຳຢ່າງຕໍ່ເນື່ອງຂອງຫ້ອງການຊັບພະຍາກອນທຳມະຊາດແລະສິ່ງແວດລ້ອມຂອງຫ້ອງການແຂວງ ແລະ ເມືອງ ເຊິ່ງຈະກາຍເປັນຜູ້ມີຄວາມຊໍານານໃນການນຳໃຊ້ LaCSA ແລະ ອຸຕຸກະເສດ ແລະ ສາມາດນຳໃຊ້ເປັນຈຸດຕິດຕໍ່ທີ່ມີຄຸນຄ່າ ໃຫ້ແກ່ບັນດາພະນັກງານຂອງ ກປມ ຢູ່ທຸກບ່ອນທົ່ວປະເທດ. ຈຸດປະສົງຂອງ SAMIS ແມ່ນການປ່ຽນແປງຄວາມສາມາດຂອງຫ້ອງການຂອງລັດຖະບານໃນແບບທີ່ການມີສ່ວນຮ່ວມປະຈຳວັນ ໃນກິດຈະກຳດ້ານອຸຕຸກະເສດ ກ່ຽວຂ້ອງກັບຄວາມຊໍານິຊໍານານໃນການພັດທະນາປະເທດ ແລະ ຮັບປະກັນຄວາມປອດໄພດ້ານສະບຽງອາຫານຂອງຊາວກະສິກອນ.